O luns publicáronse no DOG as resolución para o acceso a carreira profesional no réxime extraordinario.

Grado III licenciados sanitarios

Grado II diplomados sanitarios

Grado II técnicos sanitarios e xestión e servizos

Ábrese un prazo de 20 días hábiles para a presentación de solicitudes, que rematará o 16 de decembro de 2009.

Esta é a nova páxina web de CIG-saúde HVX de Cee. Poderedes seguir accedendo durante un tempo á información publicada na páxina anterior se entrades no seguinte enlace: www.cigsaudehvx.blogspot.com

 A PLATAFORMA SINDICAL ( CCOO, CESM, CIG, CSIF, SAE e UGT) INFORMA 

Na Mesa Sectorial que se celebrou este vernes 30 de outubro esixÍmoslle ao Sergas que se tratase como primeiro punto do orde do día a SUSPENSIÓN DOS ACORDOS ASINADOS, o Sergas unha vez máis manifesta que foi unha decisión do Goberno da Xunta e que eles non teñen capacidade negociadora nese asunto, sendo isto a primeira vez que acontece no ámbito dunha Mesa Sectorial, órgano máximo de negociación colectiva para o persoal do Sergas.

Ante esta situación a Plataforma Sindical solicita que acuda a persoa do Goberno que teña capacidade para negociar, como a esta petición non acceden, decidimos suspender a Mesa Sectorial hasta que recibamos unha convocatoria para tratar a suspensión dos acordos, asunto prioritario para o conxunto de traballadoras e traballadores, e tódolos demáis temas pendentes, para o que a Plataforma Sindical amosa a disponibilidade de sentarnos a negociar na Mesa Sectorial as 24 horas do día.

Lamentamos a rotura por parte da Administración do órgano de representación e negociación dos traballadores e traballadoras do Sergas.

A afiliación na CIG-Saúde é un acto de compromiso e solidariedade.

Compromiso, porque no acto, manifestas que as túas inquietudes e pensamento sindical coinciden en gran parte cos postulados e opinións nosas, e solidariedade porque a cota sindical que pagas non é a compra dun servicío senón a contribución desinteresada para o mantemento da organizacións sindical.

Tamén e un acto no que te comprometes a respaldar as mobilizacións e actos convocados polo sindicato sempre que poidas asumilos.

¿E que se financia coa túa cota sindical?

Pois a adquisición de edificios e locais do sindicato, así como o seu mantemento.

As campañas de mobilización e concienciación social.

A contribución a caixa de resistencia é que se utiliza só en conflictos longos e duros, e de desgaste económico para o afiliado de inmensa contía.

Os servicios técnicos como a Asesoría Xurídica e normalización liguística.

Servicios Sociais como a Secretaría da Muller ou Atención o Emigrante retornado ou Inmigracion.

Tódolos que xere o sindicato pola súa actividade instituciónal.

Asesoría Xurídica:

A asesoría xurídica esixe para a súa utilización por parte do traballador unha antigüidade mínima de 6 meses, ou o pago dos mesmos se queres utilizala, nunha medida que ten como fin promocionar a afiliación de conciencia e compromiso colectivo, e non a de interese individual exclusivo.

Ademais nas demandas nas que o traballador reclama diñeiro o sindicato estableceu unhas comisións sobre os cartos reclamados no caso de que a demanda sexa estimada e que diminue atendendo a antigüidade do afiliado que no caso de ter máis de 5 anos a comisión e 0%.

CIG SAÚDE CEE SOMOS:

• ANA BELÉN LESTÓN GALLARDO. Prevención de riscos laborais. Presidenta do Comité de Empresa do Hospital Virxe da Xunqueira
• MARÍA FORMOSO LEIS
• Mª HENAR PRIETO ARRANZ
• BEATRIZ PEREIRA OGANDO
• FLORENTINA XOUBANOVA DÍAZ
• MARÍA CARMEN MOSQUERA OLIVAS. Sección sindical Hospital Virxe da Xunqueira

TELEFONOS DE CONTACTO: 671371394

A CIG-Saúde e a Federación de Sanidade da CIG; e dicir ocúpase de tódolos asuntos sindicais que se producen no Sector da Sanidade.

Como federación integrada na CIG practicamos un sindicalismo de clase e nacionalista nos que os principio de solidariedade e acción sindical global é o eixo da nosa actividade como sindicato.

Ademais os nosos obxectivos principais establecidos nos estatutos de CIG-Saúde son os seguintes:

1) A defensa do dereito á protección e promoción da saúde integral das/os galegas/os.

2) A defensa do carácter de servicio público da atención de saúde, e por tanto a consolidación dun sitema sanitario público, universal, gratuito e de calidade.

3) A loita contra o coorporativismo e a integración dos lexitimos intereses particulares dos diferentes colectivos nunha concepción sindical global, de clase, e unha acción común.